ສະຫຼຸບ! ຮຸ້ນ PCD ກັບຈັງຫວະການປັບໂຕເພີ່ມຂຶ້ນ ໃນໄຕມາດທຳອິດ ຂອງປີ 2022.

ໃນໄລຍະ 03 ເດືອນຕົ້ນປີນີ້ ຫຼື ໄຕມາດທຳອິດຂອງປີ 2022 ຖືວ່າເປັນໄຕມາດແຫ່ງການຮຸ່ງເຮືອງ ຂອງຮຸ້ນບໍລິສັດ ພູສີກໍ່ສ້າງ ແລະ ພັດທະນາ ມະຫາຊົນ (PCD), ທີ່ມີແນວໂນ້ມປັບຕົວເພີ່ມຂຶ້ນ ຍ້ອນໄດ້ຮັບແຮງຍູ້ຈາກນັກລົງທຶນພາຍໃນ ແລະ ຕ່າງປະເທດ ທີ່ສົນໃຈກ່ຽວກັບທຸລະກິດພວກເຮົາ. ຂະນະດຽວກັນ, ສ່ວນໜຶ່ງກໍ່ແມ່ນການເຕີບໃຫຍ່ຂະຫຍາຍຕົວຂອງບໍລິສັດແມ່ນັ້ນກໍ່ຄື: “ບໍລິສັດ ພູສີກຣຸບ” ໄດ້ມີທ່າກ້າວເລື່ອງການເຮັດທົດລອງດໍາເນີນທຸລະກໍາຊັບສິນດີຈິຕອລ ເມື່ອຕົ້ນປີຜ່ານມາ. ຕົວເລກອັບເດດຮຸ້ນຫຼ້າສຸດ, ເມື່ອວັນທີ 28 ມີນາ 2022 ປິດຢູ່ທີ່ 1.720 ກີບ/ຮຸ້ນ, ປັບຕົວເພີ່ມຂຶ້ນ 160 ກີບ.

ສິ່ງດັ່ງກ່າວ, ໄດ້ສົ່ງຜົນໃຫ້ມວນຊົນແຫ່ເຂົ້າຊື້ຮຸ້ນຂອງບໍລິສັດຢ່າງຄຶກຄັກ, ເຮັດໃຫ້ຮຸ້ນມີຈັງຫວະການປັບໂຕເພີ່ມຂຶ້ນເລື້ອຍໆໃນຕະຫຼອດໄຕມາດທຳອິດຂອງປີ 2022. ຄຽງຄູ່ກັນນັ້ນ, PCD ຍັງຄົງເປັນຮຸ້ນທີ່ຢືນໜຶ່ງໃນ 03 ບໍລິສັດ ມີມູນຄ່າການຊື້-ຂາຍຮຸ້ນຫຼາຍທີ່ສຸດ ປະຈຳເດືອນມັງກອນ 2022 ຊຶ່ງໄດ້ຮັບການຈັດອັນດັບຈາກຕະຫຼາດຫຼັກຊັບລາວ.

1). ຈັບຕາ! ຮຸ້ນ PCD ໃນປັດຈຸບັນ:

———————–

ບໍລິສັດ ພູສີກໍ່ສ້າງ ແລະ ພັດທະນາ ມະຫາຊົນ ຫຼື (PCD) ຜູ້ຊ່ຽວຊານດ້ານການໃຫ້ບໍລິການວຽກງານວິສະວະກຳກໍ່ສ້າງແບບຄົບວົງຈອນ ຢູ່ ສປປ ລາວ ແລະ ເປັນບໍລິສັດທີ 06 ທີ່ຈົດທະບຽນໃນຕະຫຼາດຫຼັກຊັບລາວ ໄດ້ເປີດການຊື້-ຂາຍຮຸ້ນຄັ້ງທຳອິດໃນວັນທີ 10 ຕຸລາ 2017 ດ້ວຍລາຄາ 1.350 ກີບ/ຮຸ້ນ. ປັດຈຸບັນ, ລາຄາຮຸ້ນມີການເໜັງຕີງຂຶ້ນ-ລົງຕາມກົນໄກເສດຖະກິດ; ອັບເດດຫຼ້າສຸດ ໃນວັນທີ 28 ມີນາ 2022 ປິດຢູ່ທີ່ 1.720 ກີບ/ຮຸ້ນ, ປັບຕົວເພີ່ມຂຶ້ນ 160 ກີບ, ມີປະລິມານການຊື້-ຂາຍ 800 ຮຸ້ນ, ຫາກຄິດເປັນມູນຄ່າການຊື້-ຂາຍຕໍ່ວັນ ປະມານ 1 ຕື້ກວ່າກີບ/ວັນ.

2). ຮຸ້ນ PCD ເປັນໜຶ່ງໃນ 03 ບໍລິສັດທີ່ມີມູນຄ່າການຊື້-ຂາຍຮຸ້ນຫຼາຍທີ່ສຸດໃນເດືອນມັງກອນ 2022:

———————–

ຮຸ້ນຂອງບໍລິສັດພູສີກໍ່ສ້າງ ແລະ ພັດທະນາ ມະຫາຊົນ (PCD) ຍັງຄົງເປັນຮຸ້ນທີ່ຢືນໜຶ່ງໃນ 03 ບໍລິສັດທີ່ມີການປັບໂຕເພີ່ມຂຶ້ນຕໍ່ເນື່ອງ ນັບແຕ່ຕົ້ນປີ 2022 ຮອດປັດຈຸບັນ. ເມື່ອເດືອນມັງກອນຜ່ານມາ, ຕະຫຼາດຫຼັກຊັບລາວ ໄດ້ຈັດອັນດັບຮຸ້ນບໍລິສັດທີ່ມີມູນຄ່າການຊື້-ຂາຍຮຸ້ນຫຼາຍທີ່ສຸດໃນເດືອນມັງກອນ 2022 ປະກອບມີ 03 ພາກສ່ວນໄດ້ແກ່:+ ທະນາຄານການຄ້າຕ່າງປະເທດລາວ ມະຫາຊົນ (BCEL) ມູນຄ່າການຊື້-ຂາຍຮຸ້ນ 2,238,565,000 ກີບ ເທົ່າກັບ 66.71 ເປີເຊັນ;+ ບໍລິສັດ ຜະລິດ-ໄຟຟ້າລາວ ມະຫາຊົນ (EDL-Gen) ມູນຄ່າການຊື້-ຂາຍຮຸ້ນ 833,376,000 ກີບ ເທົ່າກັບ 24.83 ເປີເຊັນ;+ ບໍລິສັດ ພູສີກໍ່ສ້າງ ແລະ ພັດທະນາ ມະຫາຊົນ (PCD) ມູນຄ່າການຊື້-ຂາຍຮຸ້ນ 140,755,500 ກີບ ເທົ່າກັບ 4.91 ເປີເຊັນ.

3). ເບິ່ງ! ຈັງຫວະການປັບໂຕເພີ່ມຂຶ້ນຂອງຮຸ້ນ PCD ໄລຍະ 03 ເດືອນຂອງປີ 2022:

———————–

4). ໂຄງການທີ່ພົ້ນເດັ່ນຂອງ PCD:

———————–

ໂຄງການກໍ່ສ້າງທາງດ່ວນ (ວຽງຈັນ – ປາກເຊ) ມີມູນຄ່າການລົງທຶນທັງໝົດປະມານ 4 ຕື້ກວ່າໂດລາສະຫະລັດ ແລະ ບໍລິສັດພູສີກໍ່ສ້າງ ແລະ ພັດທະນາ ມະຫາຊົນ ແມ່ນໜຶ່ງໃນ 4 ບໍລິສັດ ທີ່ໄດ້ຮັບການຄັດເລືອກຈາກລັດຖະບານກໍຄືກະຊວງໂຍທາທິການ ແລະ ຂົນສົ່ງ ໃຫ້ຮັບຜິດຊອບກໍ່ສ້າງໃນຊ້ວງທີ 4 (ນັບແຕ່ ເຊໂນ ແຂວງສະຫວັນນະເຂດ ຫາ ນາປົ່ງ ແຂວງສາລະວັນ), ມີລວງຍາວທັງໝົດ 135,2 ກິໂລແມັດ ແລະ ມູນຄ່າກໍ່ສ້າງປະເມີນເບື້ອງຕົ້ນ 1 ຕື້ 235 ລ້ານໂດລາສະຫະລັດ.ສໍາລັບໃນປີ 2021 ຜ່ານມາ, ໄດ້ສໍາເລັດການມອບ-ຮັບໂຄງການກໍ່ສ້າງທາງເວັ້ນເມືອງຫຼວງພະບາງ, ແຕ່ບ້ານກົກງິ້ວ – ບ້ານພອນໄຊ ລວງຍາວ 15,8 ກິໂລແມັດ.

ປັດຈຸບັນ, ຍັງມີ 03 ໂຄງການທີ່ກໍາລັງກ້າວເຂົ້າໄປສູ່ການເຊັນສັນຍາ ເພາະໄດ້ສໍາເລັດການສໍາຫຼວດ-ອອກແບບແລ້ວ ໄດ້ແກ່:

– ໂຄງການກໍ່ສ້າງເສັ້ນທາງປູຢາງ 2 ຊັ້ນ, ແຕ່ຫົວຂົວບ້ານດົງ – ຕາດກວາງຊີ ລວງຍາວ 25,4 ກິໂລແມັດ;

– ໂຄງການກໍ່ສ້າງທາງປູຢາງ 2 ຊັ້ນ, ແຕ່ບ້ານປຸງ – ຊາຍແດນເມືອງລອງ ແຂວງຫຼວງນໍ້າທາ ລວງຍາວ 57,8 ກິໂລແມັດ;

– ໂຄງການທາງຍຸດທະສາດ (ປູແຮ່) ລຽບຊາຍແດນລາວ-ຫວຽດນາມ-ກໍາປູເຈຍ ລວງຍາວ 100ກິໂລແມັດ;

– ນອກນັ້ນ, PCD ຍັງເປັນຜູ້ພັດທະນາພື້ນຖານໂຄງລ່າງໃຫ້ກັບເຂດເສດຖະກິດພິເສດແຂວງຫຼວງພະບາງ, ໄດ້ມີການລົງທຶນສ້າງ ແລະ ພັດທະນາອະສັງຫະລິມະຊັບຢູ່ຕາມຕົວເມືອງສໍາຄັນຕ່າງໆໃນທົ່ວປະເທດ ແລະ ອື່ນໆ.

4). ແຮງຍູ້ຈາກນັກລົງທຶນພາຍໃນ ແລະ ຕ່າງປະເທດ:

———————–

ບໍລິສັດ ພູສີກໍ່ສ້າງ ແລະ ພັດທະນາ ມະຫາຊົນ (PCD) ຍັງໄດ້ຮັບແຮງຍູ້ຈາກການເຕີບໂຕທາງດ້ານທຸລະກິດຂອງພູສີກຣຸບ ຊຶ່ງເປັນບໍລິສັດແມ່ຂອງ PCD ໄດ້ມີທ່າກ້າວເລື່ອງການເຮັດທົດລອງດໍາເນີນທຸລະກໍາຊັບສິນດີຈິຕອລ ຊຶ່ງໄດ້ມີການເຊັນສັນຍາກັບລັດຖະບານເມື່ອຕົ້ນປີຜ່ານມານີ້, ເຮັດໃຫ້ນັກລົງທຶນພາຍໃນ ແລະ ຕ່າງປະເທດ ໃຫ້ຄວາມສົນໃຈຮຸ້ນຂອງບໍລິສັດເພີ່ມຂຶ້ນເລື້ອຍໆ ດັ່ງທີ່ປາກົດໃນສື່ທາງການໄລຍະຜ່ານມາ.

ຫຼ້າສຸດ, ສິ່ງທີ່ສັງຄົມໃຫ້ຄວາມສົນໃຈຫຼາຍທີ່ສຸດໃນເວລານີ້ ແມ່ນບໍລິສັດ ແວວນັນສ໌ ເທຣດດິງ ອອນລາຍ ຈໍາກັດຜູ້ດຽວ ຊຶ່ງເປັນບໍລິສັດໃນເຄືອຂອງພູສີກຣຸບ ທີ່ໄດ້ເຊັນສັນຍາວ່າດ້ວຍການທົດລອງດຳເນີນທຸລະກິດຊັບສິນດີຈິຕອລ ຮ່ວມກັບ ກະຊວງເຕັກໂນໂລຊີ ແລະ ການສື່ສານ (ກຕສ) ເພື່ອພັດທະນາ ແລະ ບໍລິການລະບົບເຕັກໂນໂລຊີກຸ່ມຂໍ້ມູນຜູກພັນ (Block chain) ຢູ່ ສປປ ລາວ. ສະນັ້ນ, ຈຶ່ງເປັນຜົນດີເຮັດໃຫ້ຮຸ້ນຂອງບໍລິສັດ PCD ມີການປັບໂຕເພີ່ມຂຶ້ນເລື້ອຍໆ.

ຄຽງຄູ່ກັນນັ້ນ, ການເຕີບໃຫຍ່ຂະຫຍາຍຕົວຂອງບໍລິສັດໃນເຄືອຂອງພູສີກຣຸບ ແມ່ນເປັນໄປຕາມວິໃສທັດຂອງທ່ານ ປອ.ສີທອງ ພົມມະຈິດ, ຊຶ່ງເປັນຜູ້ສືບທອດລຸ້ນທີສອງທີ່ນຳພາບໍລິສັດສັດເຕີບໂຕຢ່າງຕໍ່ເນື່ອງ ແລະ ເປົ້າໝາຍໃນອີກ 5 ປີຂ້າງໜ້າ ພູສີກຣຸບ ຈະໃຫ້ທະລຸກາຍເປັນໜຶ່ງໃນ 1,000 ບໍລິສັດຊັ້ນນໍາຂອງໂລກ.

———————–

ບໍລິສັດ ພູສີ ກຣຸບ, ມີສໍານັກງານຕັ້ງຢູ່ ຊັ້ນ 3 ໂຮງແຮມຄອນທີເນັນໂທ ພລາຊາ, ບ້ານໜອງບົວທອງໃຕ້, ເມືອງສີໂຄດຕະບອງ, ນະຄອນຫຼວງວຽງຈັນ.

ໂທລະສັບ: 021 265 394,

Fax: 021 265 394

ອີເມວ: info@phousy.com

http://www.phousy.com/

Leave a Reply

Your email address will not be published. Required fields are marked *