ນັກສຶກສາດ້ອຍໂອກາດໃນຂະແໜງວິຊາຊີບຍຸຕິທຳ ໄດ້ຮັບທຶນສະຫັບສະຫນູນ 30 ທຶນ.

ນັກສຶກສາເພດຍິງທີ່ກໍາລັງສຶກສາຢູ່ສະຖາບັນຍຸຕິທຳແຫ່ງຊາດໃນສົກຮຽນ 2021-2022. ໄດ້ຮັບທືນສະຫນັບວະຫນູນຈາກ, ບໍລິສັດ ພູສີ ກຣຸບ ຮ່ວມກັບກຸ່ມບໍລິສັດໂຊກໄຊ ແລະ ບໍລິສັດ ເອໄອເອັຟ ກຣຸບ ຈໍານວນ 30 ທຶນ ລວມມູນຄ່າຫຼາຍຮ້ອຍລ້ານກີບ.

ທ່ານ ສີທາ ພົມມະຈິດ, ຮອງປະທານສະພາບໍລິຫານ ບໍລິສັດ ພູສີ ກຣຸບ

ມີພິທີມອບ-ຮັບທຶນການສຶກສາ ໃຫ້ແກ່ນັກສຶກສາເພດຍິງຜູ້ດ້ອຍໂອກາດໃນຂະ ແໜງວິຊາຊີບຍຸຕິທຳ, ໄດ້ຈັດຂຶຶ້ນໃນວັນທີ 07 ທັນວາ 2021 ທີ່ສະຖາບັນຍຸຕິທໍາແຫ່ງຊາດ. ໂດຍໃຫ້ກຽດເຂົ້າຮ່ວມຂອງທ່ານ ບຸນຕາ ສໍພາບມີໄຊ, ຫົວໜ້າສະຖາບັນຍຸຕິທຳແຫ່ງຊາດ; ທ່ານ ສີທາ ພົມມະຈິດ, ຮອງປະທານສະພາບໍລິຫານ ບໍລິສັດ ພູສີ ກຣຸບ; ທ່ານ ໂຊກໄຊ ສົມໃຈນຶກ, ປະທານກຸ່ມບໍລິສັດໂຊກໄຊ; ທ່ານ ພົນຕີ ບຸນມີ ແສງຄຳຢອງ, ຮອງຜູ້ອໍານວຍການອາວຸໂສ ບໍລິສັດ ເອໄອເອັຟ ກຣຸບ ພ້ອມດ້ວຍຫົວໜ້າພະແນກ, ຫົວໜ້າພາກວິຊາ ແລະ ຄູອາຈານຂອງສະຖາບັນຍຸຕິທຳແຫ່ງຊາດ ເຂົ້າຮ່ວມ.

ໂອກາດນີ້, ທ່ານ ບຸນຕາ ສໍພາບມີໄຊ, ຫົວໜ້າສະຖາບັນຍຸຕິທຳແຫ່ງຊາດ ກໍ່ໄດ້ກ່າວຍ້ອງຍໍຊົມເຊີຍມາຍັງ ສາມບໍລິສັດ ທີ່ໄດ້ໃຫ້ການສະໜັບສະໜູນທຶນການສຶກສາໃນຄັ້ງນີ້ ໃຫ້ແກ່ນັກສຶກສາສະຖາບັນຍຸຕິທຳແຫ່ງຊາດ ຕະຫຼອດໄລຍະ 1 ປີ ໂດຍສະເພາະແມ່ນນັກສຶກສາເພດຍິງທີ່ດ້ອຍໂອກາດ; ຊຶ່ງເປັນການປະກອບສ່ວນຊ່ວຍເຫຼືອທາງດ້ານປັດໃຈເຂົ້າໃນວຽກງານສ້າງລັດ ສປປ ລາວ ໃຫ້ກາຍເປັນລັດທີ່ປົກຄອງດ້ວຍກົດໝາຍເທື່ອລະກ້າວ.

(ຂ່າວ-ພາບ: ສົມຫວັງ ບົວລະພັນ).

Leave a Reply

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *