• ບໍລິສັດ ພູສີກໍ່ສ້າງ ແລະ ພັດທະນາ ມະຫາຊົນ ມອບເງິນຊ່ວຍເຫຼືອ ໃຫ້ແກ່ ຄະນະຕ້ານ ແລະ ສະກັດກັ້ນ COVID-19 ນະຄອນຫຼວງວຽງຈັນ, ວັນທີ 10/08/2021

    ບໍລິສັດ ພູສີກໍ່ສ້າງ ແລະ ພັດທະນາ ມະຫາຊົນ ມອບເງິນຊ່ວຍເຫຼືອ ໃຫ້ແກ່ຄະນະຕ້ານ ແລະ ສະກັດກັ້ນພະຍາດ COVID-19 ໃນວັນທີ 10 ສິງຫາ 2021 ທີ່ຫ້ອງວ່າການປົກຄອງນະຄອນຫຼວງວຽງຈັນ (ນວ) ມອບໂດຍທ່ານ ສີທາ ພົມມະຈິດ ຜູ້ອຳນວຍການບໍລິສັດ ແລະ ຮັບໂດຍທ່ານ ອາດສະພັງທອງ ສີພັນດອນ ເຈົ້າຄອງ ນວ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ.

    Phousy Construction and Development Public Company donated funds to the COVID-19 Disease Control and Prevention Committee on August 10, 2021 at the Vientiane Capital Administration Office (Vientiane Capital) by Mr. Sitha Phommachith, Director of the Company and received by Mr. Atsaphangthong Siphandon, Governor of Vientiane Capital and related staffs.

    ເງິນທີ່ມອບໃນຄັ້ງນີ້ ແມ່ນມີຈຳນວນ 50,000,000 ກີບ ເຊິ່ງຈຸດປະສົງເພື່ອນຳໃຊ້ເຂົ້າໃນການຕ້ານ ແລະ ສະກັດກັ້ນການລະບາດຂອງພະຍາດ COVID-19 ຢູ່ສູນກັກບໍລິເວນໃນ ນວ ເນື່ອງຈາກວ່າປັດຈຸບັນໄດ້ມີແຮງງານລາວທີ່ກັບຄືນມາແຕ່ປະເທດເພື່ອນບ້ານເຂົ້າມາ ນວ ນັບມື້ນັບຫຼາຍຂຶ້ນ ແລະ ພົບຜູ້ຕິດເຊື້ອຫຼາຍຂຶ້ນໃນແຕ່ລະວັນ.

    The donation funding 50,000,000 kip, which is intended to be used to fight and prevent the spread of COVID-19 at the Vientiane Capital Detention Center, as more and more Lao workers are now returning from neighboring countries and finding more and more infected people in every day.

  • ພິທີເຊັນ MOU ໂຄງການກໍ່ສ້າງທາງດ່ວນ ວຽງຈັນ-ປາກເຊ ຊ່ວງທີ 3 ສະຫວັນນະເຂດ – ສາລະວັນ

    ກະຊວງໂຍທາທິການ ແລະ ຂົນສົ່ງ (ຍທຂ) ແລະ ບໍລິສັດພູສີກໍ່ສ້າງ ແລະ ພັດທະນາ ມະຫາຊົນ (PCD) ຮ່ວມກັບກຸ່ມບໍລິສັດລັດວິສາຫະກິດ ວິສະວະກຳ ກໍ່ສ້າງ ສປ ຈີນ (CSCEC) ໄດ້ເຊັນບົດບັນທຶກຄວາມເຂົ້າໃຈ ກ່ຽວກັບການສຶກສາຄວາມເປັນໄປໄດ້ຂອງໂຄງການ​ກໍ່ສ້າງ​ທາງ​ດ່ວນ ​​ແລວທາງໃໝ່, ແຕ່ນະຄອນຫຼວງວຽງຈັນ ຫາ ປາກເຊ, ແຂວງຈໍາປາສັກ, ຊ່ວງທີ III ແຕ່ແຍກທາງເລກ 9 ​(ເຊ​ໂນ), ແຂວງ​ ສະຫວັນ​ນະ​ເຂດ ຫາ ແຍກທາງເລກ 15 (ນາປົ່ງ), ​ແຂວງສາລະວັນ, ການກໍານົດໄວ້ຊ້ວງທໍາອິດຂອງໄລຍະທາງແມ່ນ 128 ກິໂລແມັດ.

    ພິທີເຊັນບົດບັນທຶກດັ່ງກ່າວໄດ້ຈັດຂຶ້ນໃນວັນສຸກ ທີ 26/10/2018 ທີ່ຫ້ອງປະຊຸມ ກະຊວງໂຍທາທິການ ແລະ ຂົນສົ່ງ ໃຫ້ກຽດເປັນປະທານໂດຍ ທ່ານ ແພງ ດວງເງິນ, ຫົວໜ້າກົມຂົນສົ່ງ, ກະຊວງ ຍທຂ ໃນນາມເປັນເຈົ້າຂອງໂຄງການ ພ້ອມດ້ວຍຜູ້ລົງທືນ ນໍາໂດຍ ທ່ານ ສີທາ ພົມມະຈິດ, ອໍານວຍການ ບໍລິສັດພູສີກໍ່ສ້າງ ແລະ ພັດທະນາ ມະຫາຊົນ ຮ່ວມທືນ ກັບກຸ່ມບໍລິສັດລັດວິສາຫະກິດ ວິສະວະກຳກໍ່ສ້າງ ສປ ຈີນ, ໃນນາມເປັນປະທານໂດຍ ທ່ານ Meng Chao; ຄຽງຄູ່ກັນນັ້ນໃຫ້ກຽດເປັນພະຍານເຂົ້າຮ່ວມພິທີດັ່ງກ່າວ ໂດຍ ທ່ານ ປອ. ບຸນຈັນ ສີນທະວົງ, ລັດຖະມົນຕີກະຊວງໂຍທາທິການ ແລະ ຂົນສົ່ງ, ທ່ານເລຂາເສດຖະກິດຂອງສະຖານທູດຈີນ ປະຈໍາ ສປປ ລາວ, ຄະນະກົມຈາກກະຊວງອ້ອມຂ້າງທີ່ກ່ຽວຂ້ອງ ພ້ອມດ້ວຍພະນັກງານ, ຕ່າງໜ້າອົງການລັດວິສະຫະກິດ, ທະນາຄານ ແລະ ວິຊາການຈາກທັງສອງບໍລິສັດ ກໍ່ເຂົ້າຮ່ວມເຊັ່ນດຽວກັນ ເພື່ອເປັນສັກຂີພິຍານໃນພິທີການຄັ້ງນີ້.

    ຜົນປະໂຫຍດຂອງການກໍ່ສ້າງທາງດ່ວນ ແຕ່ນະຄອນຫຼວງວຽງຈັນ ຫາ ປາກເຊ ແມ່ນສອດຄ່ອງກັບແຜນພັດທະນາເສດຖະກິດສັງຄົມຂອງລັດຖະບານ ສປປ ລາວ ແລະ ແທດເໝາະກັບນະໂຍບາຍຂອງລັດຖະບານ ສປ ຈີນ “ໜື່ງແລວທາງ ໜື່ງເສັ້ນທາງ”, ຜົນປະໂຫຍດທີສອງ ແມ່ນສາມາດຫຼຸດເວລາການເດີນທາງໄປທາງໄກໄດ້ (ປາຍທາງປາກເຊ) ຈາກແລ່ນລົດໄປທາງເລກທີ 13 ໃຕ້ ໂດຍທົ່ວໄປໃຊ້ເວລາປະມານ 8-10 ຊົ່ວໂມງ ຖ້ານໍາໃຊ້ທາງດ່ວນໃນອະນາຄົດ ຕາມການຄາດຄະເນ ອາດຈະຫຼຸດລົງ ເປັນ 6-7 ຊົ່ວໂມງເທົ່ານັ້ນ ຊື່ງເປັນການເພີ່ມປະສິດທິຜົນໃນການເດີນທາງ ກໍຄືການດໍາເນີນທຸລະກິດ ແລະ ອີກຢ່າງໜື່ງ ທາງດ່ວນດັ່ງກ່າວເປັນໂສມໜ້າອັນໃໝ່ໃຫ້ແກ່ປະເທດລາວ ຈາກເປັນປະເທດບໍ່ມີທາງອອກສູ່ທະເລ ກາຍ ເປັນເປະເທດເຊື່ອມໂຍງກັບພາກພື້ນ ປະກອບການເຊື່ອມຈອດກັບບັນດາປະເທດໃກ້ຄຽງ, ໂຄງການທາງລົດໄຟເຊື່ອມໂຍງ ລາວ-ຈີນ ແລະ ອື່ນໆ.

    ຫຼັງຈາກ ສໍາເລັດເຊັນບົດບັນທຶກຄວາມເຂົ້າໃຈສະບັບນີ້ແລ້ວ, ທັງສອງບໍລິສັດ ຄື: PCD ຮ່ວມກັບ CSCEC ກໍຄືຜູ້ລົງທຶນ ແມ່ນຈະໃຊ້ໄລຍະເວລາທັງໝົດ 16 ເດືອນ ໃນການດໍາເນີນສໍາຫຼວດການສຶກສາຄວາມເປັນໄປໄດ້ດັ່ງກ່າວ, ຊຶ່ງຄາດຫວັງວ່າ ຈະສໍາເລັດການສຶກສາຄວາມເປັນໄປ ໃນຕົ້ນປີ 2020 ແລະ ຄາດໝາຍວ່າຈະໄດ້ຮັບການເຊັນສັນຍາສໍາປະທານ ການກໍ່ສ້າງທາງດ່ວນ ໃນຮູບແບບກໍ່ສ້າງ-ດໍາ​ເນີນການ/ບໍລິການສິ່ງ​ກໍ່ສ້າງ-ມອບ​ໂອນ​ໃຫ້​ລັດຖະບານ ​(BOT) ຊື່ງໄດ້ກໍານົດໄວ້ໃບບົດບັນທຶກຄວາມເຂົ້າໃຈສະບັບນີ້.

  • ເຊີນເຂົ້າຮ່ວມກອງປະຊຸມສາມັນຜູ້ຖືຮຸ້ນປະຈໍາປີ 2017.

    ບໍລິສັດ ພູສີກໍ່ສ້າງ ແລະ ພັດທະນາ ມະຫາຊົນ (ພກພ) ຂໍຖືເປັນກຽດຮຽນເຊີນທ່ານຜູ້ຖືຮຸ້ນຂອງບໍລິສັດເຂົ້າຮ່ວມກອງປະຊຸມສາມັນຜູ້ຖືຮຸ້ນປະຈໍາປີ 2017 ທີ່ຈະໄດ້ຈັດຂຶ້ນໃນວັນທີ 25 ເມສາ 2018 ເວລາ 14:30 ໂມງ (ເລີ່ມລົງທະບຽນເວລາ 13:0ໂມງ) ທີ່​ຫ້ອງ​ປະຊຸມ​ໃຫຍ່ ຊັ້ນ  8, ອາຄານ​ຕະຫຼາດຫຼັກຊັບ​ລາວ, ຖະໜົນ T4, ບ້ານ ​ໂພນ​ທັນ​, ​ເມືອງ ​ໄຊ​ເສດ​ຖາ, ນະຄອນຫຼວງວຽງ​ຈັນ, ສປປ ລາວ. ເພື່ອພິຈາລະນາ ແລະ ຮັບຮອງເອົາບັນຫາຕ່າງໆ ຕາມວາລະກອງປະຊຸມທີ່ຄັດຕິດມາພ້ອມນີ້.

    ບໍລິສັດໄດ້ກຳນົດເອົາວັນທີ 26 ມີນາ 2018 ເປັນມື້ປິດປື້ມບັນຊີຜູ້ຖືຮຸ້ນ (Record Date) ເພື່ອກຳນົດສິດໃນການເຂົ້າຮ່ວມກອງປະຊຸມສາມັນຜູ້ຖືຮຸ້ນປະຈໍາປີ 2017.

    ກໍລະນີທີ່ທ່ານຜູ້ຖືຮຸ້ນບໍ່ສາມາດເຂົ້າຮ່ວມ ສາມາດມອບສິດໃຫ້ບຸກຄົນອື່ນເຂົ້າຮ່ວມປະຊຸມ ແລະ ອອກຄະແນນສຽງແທນ, ກະລຸນາຕື່ມຂໍ້ມູນ ແລະ ລົງລາຍເຊັນໃນໃບມອບສິດ ຕາມເອກະສານຄັດຕິດເຂົ້າຮ່ວມປະຊຸມ ແລະ ຕ້ອງສົ່ງມອບໃບມອບສິດໃຫ້ເລຂາກອງປະຊຸມກ່ອນເລີ່ມປະຊຸມ.

    ຫວັງຢ່າງຍິ່ງວ່າ ທ່ານຄົງຈະສະລະເວລາອັນມີຄ່າຂອງທ່ານເຂົ້າຮ່ວມປະຊຸມກັບພວກເຮົາໃນຄັ້ງນີ້ດ້ວຍ.

    ຮຽນມາດ້ວຍຄວາມເຄົາລົບ ແລະ ນັບຖືຢ່າງສູງ

    ປະທານສະພາບໍລິຫານ

    ທ່ານ ສີທອງ ພົມມະຈິດ

    ເອກະສານຄັດຕິດ 

    1. ໜັງສືເຊີນປະຊຸມ
    2. ວາລະກອງປະຊຸມສາມັນ ຜູ້ຖືຮຸ້ນ ປະຈໍາປີ 2017 (ເອກະສານຄັດຕິດ 1)
    3. ເອກະສານລາຍງານການເງິນ ປະຈໍາປີ 2017 (ເອກະສານຄັດຕິດ 2);
    4. ປະຫວັດຫຍໍ້ຂອງຜູ້ອໍານວຍການໃຫຍ່ຄົນໃໝ່ (ເອກະສານຄັດຕິດ 3);
    5. ປະຫວັດຫຍໍ້ຂອງສະມາຊິກສະພາບໍລິຫານຄົນໃໝ່ (ເອກະສານຄັດຕິດ 4);
    6. ປະຫວັດຫຍໍ້ຂອງສະມາຊິກອິດສະລະ (ເອກະສານຄັດຕິດ 5);
    7. ແບບຟອມໃບມອບສິດ (ເອກະສານຄັດຕິດ 6);
    8. ເອກະສານ ແລະ ຫຼັກຖານທີ່ຕ້ອງໃຊ້ໃນການສະເໜີໂຕເຂົ້າຮ່ວມກອງປະຊຸມ, ການລົງທະບຽນ ແລະ
      ການລົງຄະແນນສຽງໃນກອງປະຊຸມຜູ້ຖືຮຸ້ນ (ເອກະສານຄັດຕິດ 7);
    9. ແຜນທີ່ສະຖານທີ່ຈັດປະຊຸມ (ເອກະສານຄັດຕິດ 8).

    ເອກະສານອ້າງອີງ ກົດທີ່ນີ້ເພື່ອດາວໂຫລດ

  • ກໍານົດມື້ປິດບັນຊີຜູ້ຖືຮຸ້ນ ຂອງ ບໍລິສັດ ພູສີກໍ່ສ້າງ ແລະ ພັດທະນາ ມະຫາຊົນ

    ຜູ້ອຳນວຍການໃຫຍ່ ບໍລິສັດ ພູສີກໍ່ສ້າງ ແລະ ພັດທະນາ ມະຫາຊົນ (ພກພ) ຂໍແຈ້ງມາຍັງບັນດາທ່ານຜູ່ຖືຮຸ້ນ ຂອງ ບໍລິສັດ ພູສີກໍ່ສ້າງ ແລະ ພັດທະນາ ມະຫາຊົນ ຊາບໂດຍທົ່ວເຖິງກັນວ່າ ພກພ ໄດ້ກໍານົດມື້ປິດບັນຊີຜູ້ຖືຮຸ້ນ ພກພ ເປັນວັນທີ 26/03/2018 ນັ້ນ ໝາຍເຖິງວັນປິດບັນຊີຜູ້ຖືຮຸ້ນ ສໍາລັບການກໍານົດຜູ້ທີ່ມີສິດເຂົ້າຮ່ວມກອງປະຊຸມຜູ້ຖືຮຸ້ນ ພກພ ປະຈໍາປີ 2017 ແລະ ຜູ້ມິສິດໄດ້ຮັບເງິນປັນຜົນຂອງຮຸ້ນ ພກພ ປະຈໍາ 3 ເດືອນທ້າຍປີ 2017.

    ດັ່ງນັ້ນ, ຈຶ່ງແຈ້ງມາຍັງບັນດາທ່ານຊາບ.

    ທ່ານສາມາດດາວໂຫລດເອກະສານແຈ້ງການໄດ້ຈາກລິ້ງນີ້

  • ກອງປະຊຸມພົບປະລະຫວ່າງ ບໍລິສັດພູສີ ກຣຸບ ແລະ ຄະນະຜູ້ແທນທະນາຄານກະສິກອນໄທ ທີ່ແຂວງ ຫຼວງພະບາງ

    ທ່ານ ປະທານ ບໍລິສັດ ພູສີ ກຣຸບ ພ້ອມດ້ວຍຄະນະບໍລິຫານຂອງບໍລິສັດ ໄດ້ຕ້ອນຮັບ ຄະນະບໍລິຫານຈໍານວນ 7 ທ່ານ ຂອງທະນາຄານກະສິກອນໄທ ຢ່າງເປັນທາງການ ໃນຄັ້ງວັນທີ 27 ກຸມພາ 2018, ທີ່ໂຮງແຮມຫຼວງພະບາງວິວ, ເມືອງຫຼວງພະບາງ, ແຂວງຫຼວງພະບາງ.

    ການມາຢ້ຽມຢາມຂອງທະນາຄານກະສິກອນໄທຄັ້ງນີ້ແມ່ນມີຈຸດປະສົງ ເພື່ອແລກປ່ຽນປະສົບການໃນການດໍາເນີນທຸລະກິດ, ສະເໜີເຈດຈໍານົງສະເພາະ ເພື່ອເບີ່ງໂອກາດໃນການລົງທຶນຮ່ວມ ແລະ ສະໜອງສິນເຊື່ອ ໃຫ້ກັບ ບໍລິສັດ ພູສີ ກຣຸບ ໂດຍສະເພາະໂຄງການພັດທະນາ ເຂດເສດຖະກິດພິເສດ ແຂວງຫຼວງພະບາງ.  

    ທ່ານປະທານ ບໍລິສັດ ພູສີ ກຣຸບ ພ້ອມດ້ວຍຄະນະບໍລິຫານບໍລິສັດ ໄດ້ສະຫຼຸບພາບລວມການດໍາເນີນທະລະກິດໃນໄລຍະຜ່ານມາຈົນຮອດປະຈຸບັນ ແລະ ທ່າແຮງຂອງໂຄງການເຂດເສດຖະກິດພິເສດແຂວງຫຼວງພະບາງ ທີ່ໄດ້ຮັບອະນຸມັດຈາກ ລັດຖະບານ ສປປ ລາວ ປີ 2016 ເພື່ອເປີດອອກກາດໃຫ້ແກ່ນັກລົງທືນ ທັງພາຍໃນ ແລະ ຕ່າງປະເທດເຂົ້າມາຮ່ວມພັດທະນານໍາກັນ. ທະນາຄານກະສິກອນໄທ ມີຄວາມຍິນດີ ທີ່ຈະສ້າງສາຍພົວພັນກັບບໍລິສັດພູສີ ກຣຸບ ດ້ວຍຫຼາຍມິຕິ ທີ່ເປັນໄປໄດ້ ດັ່ງນີ້:

    1). ເຫັນດີໃຫ້ຄໍາປຶກສາສິນເຊື່ອ ແກ່ບໍລິສັດ ພູສີ ກຣຸບ ເພື່ອພັດທະນາໂຄງການເຂດເສດຖະກິດພີເສດ ເສດຖະກິດ;

    2). ຊ່ວຍສ້າງເຄື່ອຂ່າຍຕິດຕໍ່ກັບນັກທຸລະກິດພາກພື້ນ ແລະ ຂົງເຂດອື່ນ ທີ່ມີເຄື່ອຂ່າຍຮ່ວມກັບ ທະນາຄານກະສິກອນໄທ;

    3). ຍີນດີສຶກສາຂໍ້ມູນເພີ່ມເຕີ່ມ ເພື່ອຮ່ວມພັດທະນາເຂດເສດຖະກິດພີເສດ ເສດຖະກິດ ໂດຍສະເພາະ ໂຄງການ ລາງລົດໄຟແລ່ນຜ່ານ;

    4). ໃນອະນາຄົດ ສອງຝ່າຍຈະຮ່ວມປຶກສາຫາລືກັນ ອີກຮອບ ເພື່ອສືບຕໍ່ຜັນຂະຫຍາຍເນື້ອໃນຈິດໃຈຂອງກອງປະຊຸມຄັ້ງນີ້ ໃຫ້ປະສົບຜົນໄປຈິ່ງ.

    ຫຼັງຈາກສໍາເລັດການລົງຢ້ຽມຢາມພາກສະໜາມຕົວຈິ່ງ ຢູ່ເຂດເສດຖະກິດພິເສດ ແຂວງຫຼວງພະບາງ, ທັງສອງຝ່າຍໄດ້ຮັບປະທານອາຫານທ່ຽງແບບສາມັກຄີ ຈົນຮອດ ເວລາ 13:00 ໂມງ, ​ທ່ານປະທານ ສີທອງ ພົມມະຈິດ ຖືໂອກາດອວຍພອນໃຫ້ ຄະນະບໍລິຫານຂອງທະນາຄານກະສິກອນໄທ ເດີນທາງກັບບ້ານ ດ້ວຍຄວາມປອດໄພ ແລະ ບໍລິສັດ ພູສີ ກຣຸບ ຍິນດີຕ້ອນຮັບສະເໝີ.

  • ການ ມອບ-ຮັບ ຊ່ວງແລວທາງ ຂອງໂຄງການທາງດ່ວນ ວຽງຈັນ-ປາກເຊ ໃຫ້ແກ່ ບໍລິສັດພູສີ ກໍ່ສ້າງ ແລະ ພັດທະນາ ມະຫາຊົນ

    ໃນວັນທີ 29 ມັງກອນ 2018 ທີ່ຫ້ອງປະຊຸມຂອງກະຊວງແຜນການ ແລະ ການລົງທືນ, ​ຕ່າງໜ້າໃຫ້ແກ່ລັດຖະບານ ສປປ ລາວໄດ້ມອບ-ຮັບ ຂໍ້ຕົກລົງຂອງລັດຖະມົນຕີ ສໍາລັບຊ່ວງແລວທາງ ໃຫ້ 4 ບໍລິສັດ ທີ່ຜ່ານການປະມູນ ແລະ ຄັດເລືອກ ໃນນັ້ນລວມມີ ບໍລິສັດພູສີ ກໍ່ສ້າງ ແລະ ພັດທະນາ ມະຫາຊົນ ເພື່ອດໍາເນີນ

    ການສໍາຫຼວດ ແລະ ສ້າງບົດວິພາກເສດຖະກິດເຕັກນິກ ຕໍ່ໂຄງການທາງດ່ວນວຽງຈັນ-ປາກເຊ.

    ໃນວາລະອັນໃກ້ນີ້ ບໍລິສັດພູສີ ກໍ່ສ້າງ ແລະ ພັດທະນາມະຫາຊົນ ຈະສູ້ຊົນເອົາໃຈໃສ່ແຜນການຈັດຕັ້ງປະຕິບັດວຽກງານບຸລິມະສິດ ໃນຕໍ່ໜາ້ ດັ່ງນີ້:

    1). ປະສານງານ-ສົມທົບກັບ ກະຊວງໂຍທາທິການ ແລະ ຂົນສົ່ງ ເພື່ອດໍາເນີນລົງນາມ ບົດບັນທຶກຄວາມເຂົ້າໃຈ (MOU) ລະຫວ່າງ ຕ່າງໜ້າລັດຖະບານ ແລະ ບໍລິສັດພູສີ ກໍ່ສ້າງ ແລະ ພັດທະນາມະຫາຊົນ;

    2). ເລີ່ມຕົ້ນດໍາເນີນການສໍາຫຼວດທາງດ້ານເຕັກນິກ ໃນຊ້ວງແລວທາງ ທີ່ບໍລິສັດຮັບຜິດຊອບ;

    3). ຫຼັງຈາກຜົນສໍາເລັດຜົນການສໍາຫຼວດ ແລະ ບໍລິສັດຈະຍື່ນບົດວິພາກເສດຖະກິດເຕັກນິກ ໃຫ້ລັດຖະບານ ເພື່ອຢັ້ງຢືນ ແລະ ສືບຕໍ່ຮ່າງເຊັນສັນຍາກັບລັດຖະບານ.

         ບໍລິສັດພູສີ ກໍ່ສ້າງ ແລະ ພັດທະນາ ມະຫາຊົນ, ຜູ້ນໍາທາງດ້ານການກໍ່ສ້າງພື້ນຖານໂຄງລ່າງ ໃນ ສປປລາວ ມີຄວາມຍິນດີຕໍ່ພະລາໜ້າທີ່ໆຖືກມອບໝາຍຈາກລັດຖະບານແຫ່ງ ສປປ ລາວ ແລະ ຈະປະຕິບັດໜ້າທີ່ຢ່າງສຸດຄວາມສາມາດ.

  • ປະທານພູສີກຣຸບຮັບລາງວັນທຸລະກິດ SMEs ດີເດັ່ນ

    ໃນວັນທີ 26/10/2017 ທ່ານ ສີທອງ ພົມມະຈິດ ປະທານບໍລິສັດ ພູສີກຣຸບ ຈຳກັດ ໄດ້ເຂົ້າຮ່ວມກອງປະຊຸມພົບປະ ແລະ ຮັບຟັງການໂອ້ລົມຂອງ ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ແລະ ຮ່ວມພິທີຮັບລາງວັນທຸລະກິດ SMEs ດີເດັ່ນປະຈໍາປີ 2017 ຈັດຂຶ້ນໂດຍສະພາການຄ້າ ແລະ ອຸດສາຫະກໍາແຫ່ງຊາດລາວ (ສຄອຊ) ທີ່ ຫໍປະຊຸມແຫ່ງຊາດ ຫຼັກ 6, ນະຄອນຫຼວງວຽງຈັນ

  • ລາຍການເສັ້ນທາງສູ່ຕະຫລາດທຶນລາວເຂົ້າສຳພາດອຳນວຍການ PCD

    ຕອນເຊົ້າວັນທີ 24 ເດືອນຕຸລາ 2017 ລາຍການໂທລະພາບ ເສັ້ນທາງສູ່ຕະຫລາດທຶນລາວ ໄດ້ເຂົ້າສຳພາດທ່ານ ນາງ ພິໄລພອນ ວົງປະເສີດ ອຳນວຍການ ບໍລິສັດ ພູສີກໍ່ສ້າງ ແລະ ພັດທະນາ ມະຫາຊົນ